నేల రాలిన జీవితం పక పకా నవ్వుతోందిమరచిపోయిన గతాన్ని గుర్తు తెచ్చుకుంటూ...!!
వాడిపోయిన వాసంతం ఎదురు చూస్తోంది
కొత్త చివురుల పలకరింపుల తొలకరి కోసం....!!
చెరిగి పోయిన అక్షరం మసకగా మారింది
నే రాసుకున్న నా తలరాతను తలపిస్తూ...!!
కోపాల శాపాలు నా చుట్టూనే తిరుగుతున్నాయి
వరదల వెల్లువగా మారి ఊపిరి అందకుండా...!!
మనసు శకలాల శిధిలాలు అలానే ఉన్నాయి
మోసపోయిన జీవితానికి రాతి కట్టడంలా....!!
కలల గోదారి గంభీరంగా సాగిపోతూనే ఉంది
సుడిగుండాల ఆటుపోట్లు తట్టుకుంటూ...!!
ఒంటరి పయనానికి అలవాటైన ఈ ప్రయాణం
చేరాల్సిన గమ్యం వెదుకు కుంటూ...!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి