30, ఏప్రిల్ 2010, శుక్రవారం

మరపురానిమనీషి శ్రీశ్రీ....

శ్రీరంగం శ్రీనివాసరావు గారి గురించి తెలీని వారు ఉండరంటే అతిశయోక్తి కాదు. ప్రతి ఒక్కరు ఎందుకోఒకందుకు "నేను సైతం....." అన్నదాన్ని వాడుకోకుండా లేరు. అగ్గిపుల్ల, సబ్బుబిళ్ళ....ఇలా కాదేది కవితకనర్హం అన్న ఆధునిక విప్లవ కవి శ్రీశ్రీ గారు. పాడవోయి భారతీయుడా...అని రాసినా, కారులో షికారుకెళ్ళే పాలబుగ్గల పసిడిదానా అని అన్నా అలా ఎలాంటి పాటలనైనా ఆలఓకగా రాయగలిగిన ఘనత ఆయనది. ఇలా చెప్పుకుంటూ పొతే శ్రీశ్రీ గారి గురించి రాయడానికి ఎన్ని పేజీలైనా చాలవు. మహానీయునికి శతజయంతి ఘననివాళి అర్పించి మనవంతు కర్తవ్యంగా సమాజానికి చేతనైన మేలు చేయడానికి ప్రత్నిద్దాం.

28, ఏప్రిల్ 2010, బుధవారం

వీడ్కోలు

వీడ్కోలు అంటేనే చాలా బాధ పడే పదం. అది సంతోషమైనది అయినా బాధ కలిగించేది అయినా వీడ్కోలు అంటేనే మనసు బరువెక్కుతుంది. నా చిన్నప్పుడు ఫోర్త్ క్లాసులో నన్ను నా స్నేహితురాలిని వేరు వేరు సెక్షన్లలో వేసారు, అప్పుడు తను బాగా ఏడిచింది. నాకు కొద్ది గా బాధ వేసింది కాని అందరు పాత వాళ్ళే నా సెక్షన్ లో వుండటం తో మామూలు గా ఐపోయాను. నా ఫ్రెండ్ మాత్రం తరువాత వేరే స్కూల్ కి వెళ్ళిపోయింది. మళ్ళి ఈ మద్యనే కలుసుకున్నాము పదిహేను ఏళ్ళ తరువాత పాత రోజులు అప్పటి కబుర్లు చెప్పుకున్నాము. ఆ అనుభూతి చెప్తే సరిపోదు అనుభవిస్తేనే తెలుస్తుంది. హై స్కూల్ లో టెన్త్ ఐపోయినప్పుడు ఆటోగ్రాఫ్ అంటే ఎవరికీ ఇచ్చిన గుర్తు లేదు. కాని ఇంటర్ ఐనప్పుడు మాత్రం ఇష్టమైన లెక్చరర్ ల దగ్గర ఫ్రెండ్స్ దగ్గర తీసుకున్నాను. ఇక ఇంజినిరింగ్లో చాలామందికి ఇవ్వడం తీసుకోడం జరిగింది. అవి ఇప్పుడు చదువుతూ వుంటే ఆ తీయని జ్ఞాపకాలు గుర్తు చేసుకుంటూ మళ్ళి పాత రోజులలోకి అలా వెళ్ళి పొతే.....ఒక్క సారి వెళ్ళి చూడండి మీకు కుడా ఎంత ఆహ్లాదంగా వుంటుందో చూడండి......

23, ఏప్రిల్ 2010, శుక్రవారం

స్నేహానికి చిరునామా...!!!

మహాభారతంలో నాకు బాగా నచ్చిన పాత్ర కర్ణుడు. స్నేహబందానికి సరైన నిర్వచనం సహజకవచకున్డలధారుడు. ఎవరు ఎన్ని ప్రలోభాలకు గురిచేసినా ఇచ్చిన మాటకు కట్టుబడి ప్రాణాన్ని సైతం లెక్క చేయకుండా సహజకవచకున్డలాలను తనకొడుకు ప్రాణాన్ని రక్షించుకోడానికి మారువేషంలో వచ్చిన దేవేంద్రునికి ధారపోసిన దానకర్ణుడు. శ్రీకృష్ణుడు ద్రౌపదితో సహా ఎన్ని ఎర చూపినా తను నమ్మిన స్నేహధర్మం కోసం ప్రాణాల్ని పణం గా పెట్టిన
త్యాగశీలి. సూద్రునిగా ముద్ర పడిన తనకు అర్ధరాజ్యాన్నిచ్చిన సుయౌధనునికి కడవరకు తోడునిల్చిన చెలికాడు. కన్నతల్లి కుంతి కోరికను కాదని పాండవులు ఎప్పటికి పంచపాన్డవులే అని మాట ఇచ్చి అర్జునుని తప్ప ఎవరిని చంపను అని చెప్పి అందరిని వదిలివేసిన గొప్ప యోధుడు. స్నేహానికి, ఇచ్చిన మాట నిలబెట్టుకోవడానికి, దాన గుణానికి కర్ణుని మించి మరొకరు వుండరు....

21, ఏప్రిల్ 2010, బుధవారం

చిన్ననాటి చెలిమి...

కల్మషమెరుగని పసితనపు..
స్వచ్చమైన మనసులకు సాటిరాదు మరేది ఈ ప్రపంచంలో...
ఆ నాటి అల్లరి ఆటలు, పాటలు, గిల్లికజ్జాలు...ఇలా ఎన్నో ఎన్నెన్నో...
మనసును ఆహ్లాదపరిచే మధురానుభూతులు...
మనలను ఉంచుతాయి నిరంతరం ఉల్లాసంగా... ఉత్సాహంగా...
నూతనోత్సాహంతో మరు రోజు పై ఎన్నో ఆశలతో...ఆశయాలతో..
జీవితాన్ని విజయపథానికి నడిపించడానికి...!!

19, ఏప్రిల్ 2010, సోమవారం

ప్రేమోన్మాదం

ఈ మద్యన నేను రాసిన ఓ టపాలో ఈ ప్రేమోన్మాదం గురించి రాస్తే ప్రత్యుత్తరాలు కొన్ని వచ్చాయి. ప్రేమ త్యాగాన్ని కోరాలి కాని ఉన్మాదులని చేయకూడదు. మనం జనారణ్యం లో వున్నామా లేక జన సంచారం లేని మృగారణ్యం లో బతుకుతున్నామా!! నువ్వు ప్రేమిస్తే ఎదుటి వాళ్ళు కుడా ప్రేమించాలని ఏమైనా శాసనం ఉందా!! మనకు తెలిసి ఈ ఘటనలు కొన్ని మాత్రమే వెలుగు చూస్తున్నాయి...తెలియనివి ఎన్నో .....దీనికి ఒక ఖటినతరమైన శిక్ష వుంటే తప్ప వీటిని కొద్ది గా నైనా ఆపడం వీలుకాదు. ప్రభుత్వం త్వరగా స్పందించి చర్యలు తీసుకోవాలని మనవి.

13, ఏప్రిల్ 2010, మంగళవారం

నీ కోసం....!!!

పైరగాలి చల్లని పలకరింపులో
నీ పిలుపు వినిపిస్తుందని చూసాను...
మలయమారుతంస్పృసిస్తే
నీ చేతి చల్లని స్పర్సేమో అని చూసా...
వేకువ పొద్దులో ఆకుల పైనుంచి జారిపడే
హిమబిందువులలో నీ ప్రతిబింబం కోసం వెదికా...
పడిలేచే కడలి కెరటాల హోరులో
నీ అల్లరి హోయల కొరకు చూసా..
ఇలా ప్రకృతిలో ఆణువణువూ నీవేనేమో అని
ఆశగా వెదుకుతూనే ఉంటా నీ జాడ తెలిసే వరకు...!!!

12, ఏప్రిల్ 2010, సోమవారం

ఉద్యోగుల వలసలు అరికట్టడం ఎలా?

ఒక సంస్థ నుంచి ఉద్యోగులు అధిక సంఖ్య లో వలసలు వెళ్లి పోతున్నారు అంటే దానికి కారణం ఎవరు? ఉద్యోగులా? లేక వున్నతాధికారులా? ఒక్క క్షణం ఆలోచించండి!! ఇంతకు ముందు ఎంతో బాగున్న సంబంధాలు ఒక్క సారిగా ఎందుకు పాడయ్యాయి? "ఉద్యోగులకు ఉన్నతాధికారులకు మద్య దూరం పెరగటమే ముఖ్య కారణం. ఉన్నతాధికారులు చాలా పరిమితం గా ముగ్గురు లేదా నలుగురికి మాత్రమే అందుబాటులో వుండటం కుడా ఒక కారణం కావచ్చు. ఆ ముగ్గురు నలుగురు సంస్థలో జరుగుతున్న విషయాలను పై అధికారులకు ఎలా చెప్తున్నారు అన్న దాని మీద ఆధారపడి వుంటుంది. ఒక సంస్థ అభివృద్ధి చెందాలన్నా అధఃపాతాళానికి పోవాలన్నా సంస్థ ఉద్యోగులకు, పైఅధికారులకు మద్యన వున్న సంబంధ బాంధవ్యాలు చాలా ప్రభావాన్ని చూపుతాయి. ఇవి బాగున్న ఏ సంస్థ అయినా అభివృద్ధి పధం లో ముందుకు దూసుకు వెళుతుంది. డబ్బుతో పాటుగా, విలువలకు కుడా కొద్దిగా ప్రాధాన్యత ఇస్తే ఒకింత మెరుగ్గా ఉంటుందని అనిపిస్తోంది. .

9, ఏప్రిల్ 2010, శుక్రవారం

ప్రపంచాన్ని నడిపించే బలమైన ఆయుధం

ఈ ప్రపంచం లో డబ్బులు అవసరం లేని మనిషి అంటూ వుండరంటే అది అతిశయోక్తి కాదు. మన డబ్బులు మనకి ఎంతో ఎదుటి వాళ్ళ డబ్బులు కుడా అంతే అని ఆలోచిస్తే ఈ గొడవలు, పోట్లాటలు వుండవు. మనకి రావాల్సిన డబ్బులు మాత్రమే గుర్తు ఉంచుకుని మనం ఇవాల్సినవి మాత్రం మర్చిపోతున్నాం....ఇది న్యాయం కాదు...ఒకళ్ళ సొమ్ము తిని తినలేదు అన్నా తిరిగి ఇవ్వకుండా ఎగ్గొట్టినా మరు జన్మలో కుక్క అయి పుట్టి అయినా బాకీ తీర్చాలి....అని నా ప్రగాడ నమ్మకం. ఈ రోజుల్లో ప్రతి బంధం, అనుబంధం కుడా డబ్బు చుట్టూనే తిరుగుతున్నాయి..కాదంటారా!! డబ్బు వుంటే కొన్ని మాత్రమే దొరుకుతాయి అన్ని కాదు....ఇది ప్రతి ఒక్కరికి తెలుసు అయినా కుడా కొంత మంది మాత్రం డబ్బు చుట్టూనే తిరుగుతారు...డబ్బు కోసం ఏమైనా చేస్తారు..వాళ్ళకి ఏ బంధం కుడా గుర్తు రాదు డబ్బే లోకం...డబ్బే సమస్తం...!! ఈ రోజుల్లో ప్రపంచాన్ని నడిపించే బలమైన ఆయుధం డబ్బే. ఒకప్పుడు మనిషి అవసరం కోసం డబ్బుని సృష్టిస్తే ఈ రోజు అదే మనిషిని ఆడిస్తోంది. ఇదీ డబ్బు మహిమ...!!!

5, ఏప్రిల్ 2010, సోమవారం

ముచ్చటైన పల్లెటూరు మా ఊరు

మా రు ఒకప్పుడు చాలా బాగుండేది ఇప్పుడు లేదని కాదు...కోడూరు నుంచి మా రు వెళుతుంటే ఒక పక్క కాలువ రెండో వైపు పంట పొలాలు, తాడి చెట్లు...చూడటానికి రెండు కళ్ళు చాలవు అంత బాగుంటుంది....ఊరిలోకి వెళుతుంటేనే... ఇక ఊరి మద్యలో చెరువు చుట్టూ కొబ్బరి చెట్లు చెరువుకి ఒక పక్క రామాలయం మంచినీళ్ళ టాంకు ఇంకో పక్క పాలకేంద్రం, చిల్లర కొట్టు ఇక చుట్టూ ఇళ్ళు... ఇలా వుంటుంది మా రు. ఏమైనా గొడవలు ఐతే సాయంకాలానికి అందరు రామాలయం దగ్గరకు రావాలి. చాటింపు వేయిస్తారు.. ఊరి పెద్దలు ఇద్దరి వాదనలు విని సాక్ష్యాలు పరిశీలించి తీర్పు చెప్తారు. ఇక పండగలు అవి వస్తే ఊరంతా సందడే..ఇంకో విష్యం అండి మా రు లో చదువుకున్న వాళ్ళు కుడా చాలా ఎక్కువ ఇప్పుడు కాదు ఇంతకు పూర్వమే..డాక్టర్లు, ఇంజనీర్లు, టీచర్స్ .....ఇలా అన్నింటిలో ముందు వుండేది...బయట గొడవలైతే రు అంతా ఒక్కటి గా వుండేది...ఇదండీ క్లుప్తంగా మా రు గురించి....ఇంతకీ మా రు పేరు చెప్పలేదు కదూ... అవనిగడ్డ దగ్గర కోడూరు పక్కన నరసింహాపురం....కృష్ణా జిల్లా లోని ఓ చిన్న అందమైన పల్లెటూరు...!!

3, ఏప్రిల్ 2010, శనివారం

అర్ధం అయ్యి - అవని విష్యం

ప్రేమ ఇష్టం గురించి నాకు ఓ విష్యం అర్ధం కావడం లేదు..మనకు ఒకళ్ళ మీద ప్రేమ లేదా ఇష్టం వుంటే వాళ్ళకి కుడా మన పైన అలాగే వుండాలని లేదు కదా!! ఇది అర్ధం చేసుకోకుండా "నువ్వంటే నాకిష్టం నువ్వు లేక పొతే చస్తాను"...వగైరా వగైరా డైలాగులు వల్లిస్తూ ఎదుటి వాళ్ళకు ఇష్టం లేక పోయినా బలవంతం గా వాళ్ళని బెదిరించి ఒప్పించడం ఎంతవరకు సమంజసం?? ప్రేమకు పరాకాష్ట ద్వేషమా!! నువ్వు నన్ను చేసుకోలేదు, నీ మూలంగానే నా జీవితం ఇలా పాడైపోయింది...అని ఎదుటి వారిని బాధ్యులని చేసే ముందు ప్రేమ లో ఓడిపోయాం అనుకోకుండా జీవితం లో ప్రేమ ఒక్కటే కాదు విలువైనవి చాలా వున్నాయి అని గుర్తిస్తే ఈ చంపడాలు, యాసిడ్లు పోయడాలు వుండవు.
పదిమందిలో మనము కాకుండా పదిమందిలో ఒక్కడి గా వుంటే.... ఉండటానికి ప్రయత్నిస్తే ఎలా వుంటుందో...!!!ఆలోచించండి...!!

1, ఏప్రిల్ 2010, గురువారం

ఎవరు??

ఊహల ఊసులతో పదిలంగా అల్లుకున్న
పొదరింటి పూదోట నుంచి జారిపడిన....
పైరగాలి పిల్లతెమ్మెరలా పలకరించిందో జ్ఞాపకం!!
ఎక్కడిదా మనసుకు దగ్గరగా ఉన్న...
మలయమారుత స్పర్శ నను స్పృసించినది..
అని చుస్తే అది నువ్వే!!
Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner